నటీనటులు : శేఖర్ వర్మ, వివియా సంత్, జయ ప్రకాష్, సుదర్శన్

దర్శకత్వం : సతీష్ రేగల్ల

నిర్మాత‌లు : కే ఎన్ రావు.

సంగీతం : చరణ్ అర్జున్.

‘శ్రీరాముడింట… శ్రీకృష్ణుడంట’ చిత్రంతో మంచి పేరు తెచ్చుకున్న యువ కథానాయకుడు శేఖర్ వర్మ… ఇప్పుడు ‘నివాసి’ అనే మూవీతో ప్రేక్షకుల ముందుకు వచ్చాడు. వివియా సంత్ హీరోయిన్ గా సతీష్ రేగల్ల దర్శకత్వంలో తెరకెక్కినది. ఈ చిత్రం ఇటీవలే ప్రేక్షకుల ముందుకు వచ్చింది. మరి ఈ చిత్రం ఎంత వరకు ప్రేక్షకులను ఆకట్టుకుందో చూద్దాం పదండి.

కథ : అమెరికాలో సెటిల్ అయిన సూర్యనారాయణ వర్మ(జయ ప్రకాష్) ఒక బిలినియర్. అయితే తన కుమారుడు వివాన్ ఆదిత్య(శేఖర్ వర్మ)ను చాలా గారాబంగా  ఏ కష్టం తెలీకుండా పెంచుతాడు. దాంతో తన కొడుకుకి ప్రపంచాన్ని పరిచయం చేయాలనుకుంటాడు. అసలు ప్రపంచం అంటే ఏమిటి? మనుషుల మధ్య వుండే ఎమోషన్స్.. బంధాలు బంధుత్వాలు ఎలా ఉంటాయి? తెలుసుకోమని కొన్ని షరతులు విధించి… తక్కువ అమౌంట్ ఇచ్చి.. ఇండియాలోని కొన్ని ప్రాంతాలకు వెళ్లమంటాడు. అలా వెళ్లిన హీరోకు ఎలాంటి సంఘటనలు ఎదురయ్యాయి? తన తండ్రి ఆశించిన విధంగా తనలో మార్పులు వచ్చాయా? తన మూలాలను కనుగొన్నాడా? తదితర వివరాలు తెలియాలంటే సినిమా చూడాల్సిందే.

కథ… కథనం విశ్లేషణ: ఓ సంపన్న కుటుంబంలో పుట్టి పెరిగిన అబ్బాయికి… కష్ట సుఖాలు.. బంధాలు.. బంధుత్వాలు, మనుషుల మధ్య వుండే ఎమోషన్స్ తెలియాలంటే ఓ సామాన్యునిగా సాధారణ మనుషుల మధ్య గ్రామీణ ప్రాంతాల్లో జీవించాలి.. అనే కథ, కథనంతో ‘నివాసి’ చిత్రాన్ని తెరకెక్కించిన తీరు యూత్ కి నచ్చుతుంది.
ఈ సినిమా హీరోతో పాటుగా కథ మొత్తం కమెడియన్ సుదర్శన్ పాత్ర ట్రావెల్ అవుతూ అవసరమైన చోటల్లా నవ్విస్తుంది.కథానుసారం వచ్చే ఎమోషనల్ సీన్స్ ఆకట్టుకుంటాయి.హీరో లుక్స్ పరంగా రిచ్ కిడ్ గా కరెక్ట్ గా సెట్టయ్యాడు. హీరో హీరోయిన్స్ మధ్య వచ్చే కొన్ని ప్రేమ సన్నివేశాలు మరియు ఎమోషనల్ సీన్లకు ప్రేమికులు కనెక్ట్ అయ్యే అవకాశం ఉంది.
ముఖ్యంగా హీరో తండ్రి పాత్రలో కనిపించిన సీనియర్ నటుడు జయ ప్రకాష్ బాధ్యత గల తండ్రి పాత్రకు జీవం పోశారు. అంతే కాకుండా ఈ సినిమాలో హీరో తన ప్రయాణంలో కలుసుకునే ప్రతీ పాత్రకు ఒక ఎమోషనల్ కంక్లూజన్ ఇచ్చేందుకు దర్శకుడు చేసిన ప్రయత్నం ఆకట్టుకుంటుంది. హీరో తన ప్రయాణంలో కల్మషం లేని స్నేహం, నిజమైన ప్రేమ బంధుత్వాలలో ఉండే స్వార్ధం, ప్రేమలలో ఉండే వ్యత్యాసాన్ని చూపించిన విధానం బాగుంది. చివరగా హీరోయిన్ నటన అన్ని కోణాల్లో కంటే ఎమోషనల్ సీన్స్ లో బాగా నటించింది.
దర్శకుడు సతీష్ రేగల్లా రాసుకున్న స్క్రిప్ట్ ను ఆసక్తికరంగా మలచారు. తీసుకున్న ప్లాట్ బాగుంది. చరణ్ అర్జున్ అందించిన నేపధ్య సంగీతం బాగుంది. ప్రధాన పాత్రదారుల మధ్య ఒక సిట్యుయేషనల్ సాంగ్ మరియు క్లైమాక్స్ లో సాంగ్ బాగుంది. అలాగే నిర్మాత కే ఎన్ రావు అందించిన నిర్మాణ విలువలు బాగున్నాయి. సినిమాటోగ్రఫీ బాగుంది. ఏజెన్సీ ప్రాంతం అందాలు బాగున్నాయి. గో అండ్ వాచ్!
రేటింగ్: 3